Бөгөн Сибай концерт-театр берләшмәһенең «Сулпан» балалар театрында Шапи Казиевтың «Насретдиндың алтын ишәге» әкиәте буйынса яңы спектаклдең премьераһы уҙҙы.

Барыһына ла билдәле Хужа Насретдин (Илнур Сәфәров) кәләшен - бик сибәр Фатиманы (Башҡортостандың атҡаҙанған артисы Гөлназ Исламғолова) тотҡонлоҡтан ҡотҡара һәм ғәҙеллек өсөн көрәштә еңә.

«Насретдиндың алтын ишәге» спектакле - изгелек яуызлыҡты еңгә торған тылсымлы әкиәт донъяһы ул.

Спектакль «Кесе Ватан мәҙәниәте» - «Театрҙар - балаларға» проекты сиктәрендә ҡуйылды. Ижади төркөмгә ситтән саҡырлған белгестәр ингән: спектаклдең ҡуйыусы режиссеры –  Булат Хәйбуллин, ҡуйыусы рәссамы – Карина Имамова, балетмейстеры – Алина Мостаева.