Татарстандың Түбәнге Кама ҡалаһында "Урал" башҡорт автономияһы йәмғиәте һәм 38-се һанлы балалар китапханаһы хеҙмәткәрҙәре "Сөмбәлә" башҡорт фольклор-йола байрамы ойошторған. Байрамда ҡаланың 11 мәктәбе уҡыусылары һәм Түбәнге Кама химия технология институты студенттары ҡатнашҡан.

Сараны Рита Ғәтиәтуллина етәкселек иткән "Сал Урал" фольклор ансамбле, балалар китапханаһы хеҙмәткәрҙәре әҙерләгән "Сөмбәлә" музыкаль композицияһы биҙәгән.

"Йыр-бейеүҙән торған байрам барыһына ла оҡшаны," - ти Түбәнге Кама ҡалаһының "Урал" милли автономияһы йәмғиәте рәйесе Ғәли Хәсәнов.