Ғәскәровсылар Луганск ҡалаһында сығыш яһаны
Фәйзи Ғәскәров исемендәге дәүләт академия халыҡ бейеүҙәре ансамбле сираттағы ижад миҙгелен Луганск филармонияһында асты. Бейеүселәр «Беҙҙең йортобоҙ – Рәсәй» тип аталған программа менән урындағы филармония сәхнәһендә сығыш яһаны.
Донбасс тамашасыһына улар үҙҙәренең иң сағыу бейеүҙәрен тәҡдим итте. Программа һуңында Луганск халҡын ансамбль етәксеһе, Башҡортостандың атҡаҙанған артисы Нәзир Байегетов сәләмләне.
Тамашасыға рәхмәт белдереп ул Башҡортостан вәкилдәренең Донбасс ерендә хеҙмәт фронтында ла ең һыҙғанып эшләүен билдәләне. Донбастсы Бөйөк Ватан һуғышы йылдарында немец-фашист илбаҫарҙарынан азат иткән данлыҡлы 112-се Башҡорт атлы дивизияһы һәм уның ҡаһарман командиры генераль-майор Миңлеғәле Шайморатов тураһында һөйләне.
