22 июндә баш ҡала халҡы һәм ҡунаҡтары Хәтер һәм ҡайғы көнөнә арналған «Тере хәтер» акцияһында ҡатнаша ала. Сараны Республика Хәрби Дан музейы үткәрә.

Мәҙәни акцияла ҡатнашыусылар «Хәтер ере» күргәҙмәһе менән таныша, шулай уҡ 1941-1945 йылдарҙа Бөйөк Ватан һуғышында һәләк булған, хәбәрһеҙ юғалған йәки фашист әсирлегендә вафат булған хәрбиҙәрҙең яҙмышын асыҡлау буйынса анкета тултыра ала.

Сараның ойоштороусылары – «Өфө» тимер юл вокзалы, БР Мәҙәниәт министрлығының Республика Хәрби Дан музейы, Рәсәй хәрби-тарихи йәмғиәтенең БР-ҙағы төбәк бүлексәһе, «Рәсәй эҙәрмәндәр хәрәкәте»нең БР-ҙағы төбәк бүлексәһе.

Сара «Еңеү биләмәһе» халыҡ-ара проекты сиктәрендә уҙа.

Үткәреү ваҡыты: иртәнге сәғәт 10-дан киске 5-кә тиклем.

Урыны: Өфө ҡалаһы, Вокзал эргәһе майҙаны, 3 (тимер юл вокзалы бинаһы), 3-сө ҡат.