«Осҡон» («Искра») кинотеатрында бөйөк яҡташыбыҙ Рудольф Нуриев хаҡында фильм прокатҡа сыға. Фильм бары тик илебеҙҙең 3 ҡалаһында – Мәскәү, Санкт-Петербург һәм Өфөлә генә күрһәтеләсәк.

Опера һөйөүселәрҙе ҙур яңылыҡ көтә – октябрь айында «Галерея ART» кинотеатрында бөтә донъяға билдәле опера йырсылары Анна Нетребко һәм Илдар Абдразаҡовтың сығыштарын ҡарау мөмкинлеге бар. 

Стәрлетамаҡта башҡорт театры менән филармония берләште. Ошо йәһәттән асыҡлыҡ индереү маҡсатында Стәрлетамаҡ театр-концерт берләшмәһенең директоры Ринат ИШМУЛЛИНҒА юлландыҡ.

Бөгөн Ә.-З.Вәлиди исемендәге Милли китапханала филология фәндәре докторы, профессор, Башҡортостандың атҡаҙанған фән эшмәкәре Зиннур Нурғәлин менән матур осрашыу үтте. Сара китапхананың Башҡорт әҙәбиәте һәм тыуған яҡты өйрәнеү бүлегендә (етәксеһе – Айгөл Буранғолова) ғалимдың оло юбилейына арнап ойошторолдо.

17-19 октябрь Ырымбур өлкәһендә башҡорт коллективтары етәкселәре һәм ҡатнашыусылары өсөн семинар үҙғарыла. Уның сиктәрендә мастер-кластар, башҡорт мәҙәниәтенә, фольклорына арналған түңәрәк өҫтәлдәр үтә. 

Йәмәғәтселек Үҙәк диниә назаратының 225 йыллығына әҙерләнә. 22 октябрҙә баш ҡалабыҙға Рәсәй, Бойондороҡһоҙ Дәүләттәр Берләшмәһе илдәренән 500-ҙән ашыу дин әһеле киләсәк.

Бөгөн Х.Әхмәтов исемендәге Башҡорт дәүләт филармонияһы үҙенең 75-се ижад миҙгелен аса. Шуға арнап филармония тамашасыларға матур бүләк әҙерләгән – сағыу концерт! 

Зәйнәб Биишева исемендәге Башҡортостан “Китап” нәшриәтенең “мейесенән” әле генә сығып, рухиәт еҫе бөркөлөп торған был китапты ҡулға алғас, йәнемә татлы ләззәт тойғоһо йүгерҙе. 

БР-ның атҡаҙанған мәҙәниәт хеҙмәткәре, Башҡортостан Хөкүмәтенең Шәһит Хоҙайбирҙин исемендәге премияһы, Рәми Ғарипов исемендәге премия лауреаты Гөлфиә Янбаеваның әле ошо көндәрҙә генә Зәйнәб Биишева исемендәге "Китап" нәшриәтендә донъя күргән китабының исеме "Елле фекерҙәр елгә осмаһын" тип атала.

16-21 октябрь Халыҡ-ара конкурстар лауреаты, Мәскәү филармонияһы артисы, кларнетсы Артур Нәзиуллин Башҡортостанда мәрхәмәтлек концерттары бирә.

Республика көнө алдынан Өфөлә Башҡортостандың халыҡ шағиры Мостай Кәримгә һәйкәл асылды. Тантанала дәүләт эшмәкәрҙәре, бөйөк әҙиптең туғандары, ҡәләмдәштәре, шулай уҡ уның ижадын үҙ итеүселәр йыйылды.

Гөлназ Ҡотоева "Ҡырҡ сырағым" китабына ингән шиғырҙарҙа фекер бөтөнлөгө, хистәр балҡышы өн-ара, һүҙ-ара, юл-ара, строфа-ара фроник ауаздашлыҡ аша тыуыуына ла шаһит булаһың.

10 октябрь 12.00 сәғәттә Профсоюздар йорто алдындағы скверҙа Башҡортостандың халыҡ шағиры Мостай Кәримгә һәйкәл асыу тантанаһы уҙасаҡ. 

12 октябрь Силәбе өлкәһенең Сосновка районында Башҡорт шиғриәте байрамы үтә. Шиғриәт кисәһе Башҡортостан Республикаһының Силәбе өлкәһендәге тулы хоҡуҡлы вәкиллеге ярҙамында үтә. 

10 октябрь, Республика көнө алдынан, Өфө халҡын матур тамаша көтә – билдәле башҡорт артистары ҡатнашлығында байрам концерты. 

Башҡортостан Президенты Указына ярашлы киләһе йыл республикабыҙҙа Мәҙәниәт йылы тип иғлан ителде;

Өфөлә Мәжит Ғафуриҙың йорт-музейында үҙенсәлекле күргәҙмә асылды. Башлыса был йортта әҙәби-мәҙәни саралар үткәрелә. Был юлы иһә экскурсияға килеүселәр Көньяҡ Урал дәүләт тәбиғәт ҡурсаулығының ни тиклем хозур икәнлегенә инана ала. 

9 октябрҙә Сибайҙа Республика көнө һәм Ҡала көнө үткәреләсәк. Әле бында бар урында ла ҡыҙыу әҙерлек эштәре алып барыла.

Мәҙәниәт министрлығына саралар планын һәм байрам тантаналарын ойоштороу комитеты составын төҙөргә ҡушылды.

Башҡортостандың атҡаҙанған, Татарстандың халыҡ артисы, күптән инде сыңлы тальяны менән күңел түрендә урын алған Фән Вәлиәхмәтов, урман ҡыҙы, илаһи талант, Татарстандың халыҡ артисы Хәниә Фәрхи, үҙенсәлекле моңо менән тамашасыны тирбәтеүсе Илнар Сәйфиев — өсөһө өс быуын йырсыһы.