Өфөлә 1-3 декабрҙә Рудольф Нуриевҡа арналған I Бөтә Рәсәй балет мәктәптәре фестивале үтәсәк. БР Мәҙәниәт министрлығында хәбәр итеүҙәренсә, илдең профессиональ бейеүселәр әҙерләүсе бөтә уҡыу йорттары ҡатнашырға ғариза бирҙе. 

Конкурстың ойоштороусылары – БР-ҙың РФ Президенты эргәһендәге тулы хоҡуҡлы вәкиллеге, «Башҡортостан» телерадикомпанияһы, БР-ҙың Мәскәү һәм Санкт-Петербург ҡалаларындағы студенттар һәм аспиранттар ассоцияцияһы һәм «Һомай» театры.

Зәйнәб Биишева исемендәге «Китап» нәшриәтендә билдәле журналист, Шәһит Хоҙайбирҙин исемендәге премия лауреаты Рәсүл Сәғитовтың «Имен-аман тороғоҙ» тип аталған китабы донъя күрҙе.

22, 23 ноябрҙә Мәжит Ғафури исемендәге Башҡорт дәүләт академия драма театрында Таңсулпан Ғарипова пьесаһы буйынса «Маҡтымһылыу, Әбләй һәм Ҡара юрға» мюзиклының премьераһы була. Спектаклдең режиссеры - Олег Ханов.

22 ноябрь Хөсәйен Әхмәтов исемендәге Башҡорт дәүләт филармонияһында "Йылайырым - йырлы йырым" тип аталған йырлы-моңло тамаша үтәсәк.

Иртәгә Нефтекама дәүләт филармонияһы Өфөләге Башҡорт дәүләт филармонияһында шулай тип аталған концерт менән сығыш яһаясаҡ. Ошо уңайҙан уның художество етәксеһе А.Д. Рәхмәтуллин менән әңгәмә ҡорҙоҡ.

Билдәле йырсы Алессандро Сафина Өфө сәхнәһендә сығыш яһаны.

Тауыш үҙенсәлеге, башҡарыу оҫталығы менән тамашасы һөйөүен яулаған ижадсы Башҡортостандың Милли симфоник оркестры менән бергә сығыш яһаны. 

Ағымдағы йылдың 22 ноябрендә Белорет районында Башҡортостандың халыҡ артисы, Салауат Юлаев исемендәге Дәүләт премияһы лауреаты Ғәле Хәмзин призына йыр бәйгеһе үтә.

Башҡортостан Хөкүмәте ҡарарына ярашлы, республикала “Башҡорт әҙәбиәте, музыкаһы һәм һынлы сәнғәте әҫәрҙәренең электрон тупланмаһы” тип аталған дәүләт мәғлүмәт системаһы ойошторола. 

Йәш яҙыусы Айгиз Баймөхәмәтовтың “Ҡалдырма, әсәй!” исемле китабы быйыл донъя күргәйне. Зәйнәб Биишева исемендәге “Китап” нәшриәтендә бер йыл эсендә ике тапҡыр нәшер ителһә лә, ул күптән таралып бөттө.

Хөсәйен Әхмәтов исемендәге Башҡорт дәүләт филармонияһы артисы, Башҡортостандың халыҡ артисы, виртуоз-ҡурайсы Азат Айытҡолов Мәскәүҙә урынлашҡан Милләттәр йортонда концерт менән сығыш яһаны, шулай уҡ ҡурайҙа уйнарға өйрәнергә теләүселәргә мастер-класс үткәрҙе.

2008 йылда Зәйнәб Биишева исемендәге “Китап” нәшриәтендә француз яҙыусыһы Шарль Перроның әкиәттәре башҡорт телендә баҫылды. Әммә был китап бығаса күҙ өйрәнгән башҡаларынан айырылып тора. Тәржемәсеһе лә, рәсемдәр авторы ла бер үк кеше – Алһыу Хамматова.

2000 йылда Сибай ҡалаһының иң матур урамдарының береһендә халҡыбыҙҙың аҫыл улы Әхмәтзәки Вәлиди Туғанға бюст асылғайны. Ошо көндәрҙә уны реконструкциялау эштәре тамамланды.

Зәйнәб Биишева исемендәге «Китап» нәшриәтендә билдәле рәссам Әхмәт Лотфуллиндың тормош һәм ижад юлына бағышланған китап сыҡты. Фотоальбом авторы – Любовь Попова. 

Республиканың «Республика Башкортостан» һәм «Молодежная газета» баҫмалары «Санат - 2013» Бөтә Рәсәй матбуғат баҫмалары конкурсында лауреат исемен яуланылар.

Был турала каналдың яңы проекттары менән таныштырған тамашала билдәләнде.

Баш ҡаланың “Родина” кинотеатры “Зур экранда донъя шедеврҙары” исемле проектын башлай. 19 ноябрҙән 31 декабргә тиклем «Дон Кихот», «Сильфида», «Щелкунчик» балеттары, «Гофман әкиәттәре», «Турандот», «Бал-маскарад», «Сицилия кисе» опералары күрһәтеләсәк.

Башҡорт дәүләт университетында Советтар Союзы Геройы Зөбәй Үтәғоловтың тыуыуына 100 йыл тулыуы айҡанлы хәтер кисәһе уҙғарылды. Илһөйәрлек рухын нығытыу маҡсатындағы сарала Башҡортостандың халыҡ яҙыусыһы Ноғман Мусин, билдәле прозаик Сабир Шәрипов, шулай уҡ арҙаҡлы ғалимдар, юғары уҡыу йортонда белем алыусылар ҡатнашты.

Шағирәләр Гөлнара Хәлфетдинова, Гөлназ Ҡотоева һәм прозаик Фәрзәнә Аҡбулатова Алания ҡалаһында үткән XV "Кибатек" әҙәбиәт сипозиумында ҡатнашты.

Өфөлә Рәсәйҙең халыҡ артисы Константин Хабенскийҙың мәрхәмәтлек фонды ярҙамында үҫмерҙәрҙең ижади һәләттәрен үҫтереү студияһы асылды. Унда актер оҫталығы, хореография, вокал йүнәлештәре буйынса 350 талантлы ҡыҙ һәм егеттәр уҡыясаҡ.