2016 йылдың 21-се октябренән алып 29-сы октябренә тиклем Нефтекама дәүләт филармонияһының “Ҡәрҙәштәр” башҡорт коллективы Силәбе өлкәһе буйлап концерт туры ойоштора.

“Ҡәрҙәштәр” башҡорт коллектив етәксеһе — Башҡортостандың атҡаҙанған артисы, республика йыр бәйгеләре лауреаты Раян Алтыншин.

Гастролдәр 21 октябрь – Арғаяшта, 22 – Ҡамышлы, Ҡуйһар, 23 – Ялтыр, Ҡолой, 24 -Султай, 25 –Теченский, 26 – Ҡонашаҡ, 27 – Кум-күл – Иҡсан, 28 – п. Дружный – Серкино, 29 – Түләк – п. Маяҡ ауылдарында һәм ҡасабаларында үтәсәк.

Нефтекама дәүләт филармонияһының “Ҡәрҙәштәр” башҡорт коллективы артистары бик матур, йѳкмәткеле концерт программаһы әҙерләгәндәр.
  
Коллективтың репертуарына 30 –ҙан ашыу хит тупланған.
 Гастролдә халыҡ-ара һәм республика конкурстары лауреаты Сүриә Ғималова, Зәбирә Әминева, Иҙел Исҡужин, Айбулат Йосопов, Ирина Халиҡова, Азат Ҡарасурин, Вилия Миниәхмәтова, Антон Ярҡымбаев ҡатнаша.

“Ҡәрҙәштәр” башҡорт эстрада төркөмөнөң сағыу сығыштары күптән инде халыҡ һөйөүен яулаған.
Йыр-моң, дәртле бейеүҙәр менән бер рәттән тамашасының рухиәтен дә байыта улар.

“Ҡәрҙәштәр” башҡорт эстрада төркөмөнөң сығыштарын Силәбе өлкә тамашасылары йылы ҡабул итер, яҡты хәтирәләр ҡалдырыр, тигән теләктә ҡалайыҡ.

Гүзәл Багаева