Кисә Ҡаҙағстандағы «Акбуҙат» Башҡорт этномәҙәни берекмәһе Нур-Солтан ҡалаһының Ҡаҙағстан халҡы ассамблеяһы, Рәсәйҙең һәм Башҡортостандың Ҡаҙаҡстандағы вәкиллектәре ярҙамы менән Башҡортостан Республикаһы көнөнә арналған «Йыйын-2021» сараһын уҙғарған.

Сағыу концерт программаһында Башҡортостан ҡунағы Зилиә Бәхтиева (ZILIYA) башҡорт йырҙарын башҡарған, ә Ҡаҙағстандың Президент оркестры солисы Санджай Әлмишев "Таштуғай" башҡорт халыҡ көйөн ҡурайҙа уйнап ишеттергән. Шулай уҡ сарала үҙәктең әүҙем ағзалары Ләлә Үҫәбаева, Гүзәл Сөләймәнова, Гүзәл Жумабаева, Нурия Аллабирҙина, Резида Камалова, Әнисә Сиражетдинова, Альмира Ҡыуатбәкова ҡатнашҡан.

Йыйында этнокүргәҙмә һәм фотокүргәҙмә лә ойошторолған.