Мәкәрим Төхвәтшин исемендәге Һуҡырҙар өсөн республика махсус китапханаһы 2023 йылғы «Рәсәйҙең иң яҡшы 100 тауары» Бөтә Рәсәй конкурсының төбәк этабында - «Башҡортостандың иң яҡшы тауарҙары» республика конкурсында еңеү яуланы.

Китапхана конкурсҡа дүрт өлөштән торған «Башҡорт халыҡ сәнғәте» тигән әсбаптар тупланмаһын тәҡдим иткән. Китаптар Брайль шрифты менән баҫылған һәм рельеф-графика һүрәттәре менән байытылған.

Китапхана конкурста даими ҡатнаша, тәүге тапҡыр улар 2014 йылда еңеү яулағайны. Ә быйыл «Башҡорттарҙың халыҡ сәнғәте: кейеҙ, биҙәкле кейеҙ, ҡорама тегеү» рельефлы-график ҡулланмаһы менән еңеү яуланылар. Пособиела башҡорттарҙың кейеҙ баҫыу, биҙәкле кейеҙ баҫыу һәм ҡорама ҡорау үҙенсәлектәре асыла.

Хәҙер китапхана конкурстың Рәсәй күләмендәге этабына әҙерләнә.