Яҙыусы Әнүәр Бикчәнтәевтың тыуыуына 105 йыл тулыу айҡанлы, Һуҡырҙар өсөн республика махсус китапханаһында уның әҫәрҙәренән торған, ”Китаптарында дәүер сағыла” исемле китап күргәҙмәһе асылды.

Әнүәр Бикчәнтәев 1913 йылдың 4 октябрендә Өфө ҡалаһында донъяға килгән. 1928-1931 йылдарҙа Ырымбур педагогик техникумында белем ала. Һуңынан татар мәктәбендә завуч булып эшләй. Әнүәрҙең ата-әсәһе Туҡай, Ғафури ижады менән ныҡ ҡыҙыҡһына, был, әлбиттә, йоғонто яһамай ҡалмай. Тиҙҙән, буласаҡ яҙыусы Өфөгә ҡайта һәм “Комунна” гәзитенә эшкә урынлаша. Бөйөк Ватан һуғышы башланғас, үҙ теләге менән фронтҡа китә.

Әҙәбиәтте һәм сәнғәтте үҫтереүҙә өлгәшкән уңыштары өсөн, Октябрь революцияһы ордены, “Почет билдәһе” ордены менән бүләкләнә. Ғ. Сәләм исемендәге комсомол премияһы, “Аҡҡоштар Уралда ҡала”, “Ожмах вәғәҙә итмәйем” романдары өсөн С. Юлаев исемендәге дәүләт премияһы лауреаты. РСФСР-ҙың атҡаҙанған мәҙәниәт эшмәкәре.

Күргәҙмәлә Брайль шрифты менән баҫтырылған әҫәрҙәре тәҡдим ителә.