Башҡортостандың халыҡ яҙыусыһы Зәйнәб Биишеваның 110 йыллығына арналған китап донъя күрҙе. Ошо уңайҙан 7 февралдә Әхмәтзәки Вәлиди исемендәге Милли китапханала баҫманың исем туйы ойоштороласаҡ.

Йыйынтыҡ мәҡәләләр, ижади портреттар, иҫтәлектәрҙән тора. “Китап” нәшриәтендә баҫтырылған китапта, шулай уҡ, Республиканың Китап палатаһында, Башҡортостандың Милли китапханаһында, «Башҡортостан» телерадиокомпанияһы дәүләт унитар предприятиеһы радиоархивында булған һирәк материалдар менән танышырға мөмкин. 
Яҙыусының ғаилә архивындағы материалдар, балалары, ейәндәре тураһында ла мәғлүмәттәр ингән. Китап 1000 дана менән нәшер ителгән.