25 -се мартта, Башҡорт дәүләт академия драма театрында «ӘЛИФБАНАН БЕР СЕБЕШ» спектакле (мелодрама) үтәсәк. Был спектакльдә бер генә герой Мәүлит ролен, Башҡортостандың халыҡ артисы Алмас Амиров уйнаясаҡ. Үҙенә тәғәйен ғүмер юлын әҙәм балаһы төрлөсә уҙа, тормошҡа ул йә яраҡлаша, йә яраҡлаша алмай.. Был бик күп шарттарға бәйле. Бәлки кешегә Мәүлит кеүек бик үк рәхимле булмаған тирә -яҡты әсәһенең ҡанаты аҫтынан, йылыла ғына, суҡышын күрһәтеп ятҡан себеш кеүек, күҙәтеп кенә ятырғалыр! Мәүлит, тәү ҡарашҡа, балаларса бер ҡатлы, өләсәһе ҡуйынында ғына үҫкән, сибек рухлы әҙәм. Бисара хәлендә көн итеүсе бәләкәй кешенең зиһене әлифба кимәленән үтмәгән һәм бының менән ул риза, тормошҡа артыҡ зарланмай. Әммә уның йәмғиәткә, кешеләргә ҡарата үҙенсә фәлсәфәһе бик тә ҡыҙыҡ, ҡайсаҡ дөрөҫ тә кеүек!

Спектакль тураһында