Бөгөн, 5 февралдә Рәсәйҙең һәм Башҡортостандың халыҡ артисы, Салауат Юлаев исемендәге БР Дәүләт премияһы лауреаты Хөрмәтулла Үтәшев үҙенең театр студияһын аса. Балалар өсөн студия Башҡортостан дәүләт концерт залында ойошторола, унда 9 йәштән 18 йәшкә тиклемгеләр ҡабул ителә. Әле был бинала "Арлекино" театр студияһы ла эшләй. Унда дәрестәр рус телендә алып барыла, яңы студия иһә башҡорт сәхнәһенә артистар тәрбиәләйәсәк.