31 ғинуарҙа "Башҡортостан" концерт залында"Башҡортостандың яратҡан рәссамдары" проектының икенсе турына йомғаҡ яһалды һәм республиканың һынлы сәнғәт өлкәһенең төп бүләге тапшырылды.

Наил Мәхмүтовтың "Башҡортостандың яратҡан рәссамдары" проекты менән интернет селтәре ярҙамында донъяның төрлө илдәренән ике миллион ярым кеше танышҡан.флә «Киң билдәлелек яулаған экспозиция төбәктең дүрт тиҫтәнән ашыу район-ҡалаһында сәхнәләрҙә һәм мәҙәниәт йорттарында күргәҙмәгә ҡуйылды.

Социаль проект профессиональ рәссамдар менән бер рәттән халыҡ араһынан сыҡҡан оҫталарҙы ла үҫтереү һәм донъяға танытыу маҡсатын ҡуя. Күркәм мәҙәни сараның бағыусыһы Василий Пеганов атаһы, Башҡортостандың атҡаҙанған рәссамы Николай Пеганов исемендәге махсус премия булдырған. Халыҡ үҙ тауышын Сергей Мажар, Юрий Галиник, Георгий Калитов һәм Әмир Мәжитовҡа бирҙе.