“Башҡортостан” дәүләт концерт залында бөгөн байрам тамашаһы ойошторола. Сарала республикалағы милли-мәҙәни үҙәктәр вәкилдәре, профессиональ һәм үҙэшмәкәр коллективтар ҡатнаша. Төрки халыҡтарының Яңы йыл байрамына быйыл шулай уҡ Тажикстан, Ҡырғыҙстан, Ҡаҙағстан, Үзбәкстан һәм Рәсәйҙең төрлө төбәктәренән ҡунаҡтар саҡырылды. Байрам барышында милли аш-һыуҙарҙан ауыҙ итергә, төрки халыҡтары күргәҙмәһен ҡарарға була.