6 июлдә Өфөлә Башҡортостан Башлығы Рөстәм Хәмитов Рәсәй-Иран социаль-мәҙәни форумының пленар ултырышында сығыш яһаны.

Унда Иран Ислам Республикаһы Президентының милләт, дини аҙсылыҡ һәм шәрҡиәт хоҡуҡтары мәктәптәре эштәре буйынса махсус ярҙамсыһы Али Юнеси, Иран Ислам Республикаһының Рәсәй Федерацияһындағы Тулы хоҡуҡлы Илсеһе Мехди Санаи, Милләт эштәре буйынса федераль агентлыҡ етәксеһе Игорь Баринов, Туризм буйынса федераль агентлыҡ етәксеһе Олег Сафонов, Дәүләт Думаһы депутаттары, Рәсәй төбәктәре, белгестәр берләшмәһе вәкилдәре ҡатнашты.

Пленар ултырыш алдынан республика етәксеһе һәм ҡунаҡтар ирандың декоратив-ҡулланма сәнғәте, Иран һәм Башҡортостан фоторассәмдарының күргәҙмәләре менән танышты.

Ултырыш аҙағында Игорь Баринов һәм Али Юнеси форумдың йомғаҡлау коммюникеһына ҡул ҡуйҙы. 
Яҡтар Рәсәй-Иран араһындағы үҙ-ара мөнәсәбәттәрҙе киңәйтеү мөмкинлектәрен һәм төбәк-ара хеҙмәттәшлекте нығытыу юлдарын тикшерҙе.