2023 йылдың 1 июнендә Өфөлә «Торатау» конгресс-холында «Арт-Ҡоролтай.Балалар»  мәҙәни форумы ойошторола. Сара, ғәҙәттәгесә, Халыҡ-ара балаларҙы яҡлау көнөнә - балаларҙың именлеген яҡшыртыуға йүнәлтелгән байрамға арнала.

Сарала Башҡортостандың иң һәләтле һәм талантлы балалары, төрлө конкурстарҙа һәм ижади проекттарҙа еңеүселәр һәм лауреаттар, шулай уҡ мәҙәниәт өлкәһе мәғариф учреждениелары етәкселәре һәм төп педагогтары ҡатнаша. Форумда ҡатнашыусыларҙың бөтә категориялары өсөн киңәйтелгән белем биреү, аң-белем таратыу һәм күңел асыу программаһы, интерактив майҙансыҡтар, урта һөнәри һәм юғары белем биреү учреждениелары күргәҙмәләре, балалар һәм өлкәндәр өсөн тематик ижади зоналар, шулай уҡ проекттар менән таныштырыу һәм «Башҡортостан - Евразия йөрәге» икенсе ижади проекттар конкурсы еңеүселәрен бүләкләү ҡаралған.