“Кесе Ватан мәҙәниәте” проектының “Бәләкәй ҡалалар театрҙары” йүнәлеше сиктәрендә А. Мөбәрәков исемендәге Сибай дәүләт башҡорт драма театры яңы автобус алды.

Был проект “Берҙәм Рәсәй” бөтә Рәсәй партияһының проекты һәм мәҙәниәт усаҡтары эштәренең сифатын арттырыуға йүнәлтелгән. Сибай драмтеатры проекта 4-се йыл ҡатнаша. Яңы автобус ярҙамында театр коллективы райондар буйлап гастролдәргә сыға һәм үҙҙәренең географияһын киңәйтә аласаҡ.