Кокшетау ҡалаһында яңы өлкә йәштәр театры яҙыусы Айгиз Баймөхәмәтовтың "Ҡалдырма, әсәй!" әҫәре буйынса ҡуйылған премьера менән асыла. Ҡаҙаҡса "Асыл арман" тип аталған спектаклдең премьераһы 20 февралгә тәғәйенләнгән.

Сәхнә әҫәре Мәжит Ғафури исемендәге Башҡорт дәүләт драма театрында Өфө драматургы Ангизә Ишбулдинаның инсценировкаһына режиссер Илсур Ҡаҙаҡбаев ҡуйған спектаклгә нигеҙләнә.

Мәғлүм булыуынса, Айгиз Баймөхәмәтовтың бестселлеры Башҡортостанда ғына түгел, унан ситтә лә киң танылыу яуланы, төрлә телдәргә тәржемә ителде. Китап буйынса Башҡортостанда һәм Бүрәт республикаһында спектакль ҡуйылды.