“Юлдаш” радиоһы хәбәр итеүенсә, «Башҡортостан» киностудияһының «Ел аулаусы» (“Ловец ветра” фильмы Венгрияның баш ҡалаһында күрһәтелә. 22 февралдә Будапештта Рәсәй төбәктәре киноһы көндәре Башҡортостанда төшөрөлгән кинотаҫма менән тамамлана.

 «Ел аулаусы» тулы метражлы нәфис фильмын режиссер Айсыуаҡ Йомағолов 2008 йылда төшөрҙө. Ҙур мегаполиста ауыл кешеһенең мажаралары хаҡындағы лирик комедияла төп ролдәрҙең береһен популяр актер Марат Башаров уйнай.