Театр сәнғәтендә ниһайәт көтөп алынған ҙур ваҡиға - «Алтын битлек» Милли премия – фестивале башланды. М.Ғафури исемендәге Башҡорт дәүләт академия драма театрының «Антигона» спектакле «Алтын битлек-2018» Рәсәй милли театраль премияһына 7 номинацияла билдәләнде.

22 мартта театр «Антигона» спектакле менән А.С.Пушкин исемендәге Рәсәй дәүләт академия драма театрында сығыш яһаясаҡ.

Француз драматургы Жан Ануй Софоклдың боронғо пьесаһын яңыса яҙа. Ваҡыт та үҙгәрә, трагедияның асылы ла бөгөн бүтәнсә яңғырай, әммә «Антигона», иҫке менән яңының, тәжрибә, олпат зиһен менән йәш, яңы ынтылыштарҙың ҡотолғоһоҙ бәрелешенең мәңгелек символы булып ҡала.