«Алтын-ҡурай» Халыҡ-ара журналистар конкурсы Республиканың 100 йыллығына һәм Башҡортостандың халыҡ шағиры Мостай Кәримдең тыуыуына 100 йыл тулыуға арналып уҙғарыла.

Сараны ойоштороусылар:  «Уфимские ведомости» гәзите, «Өфө»  журналы һәм Мостай Кәрим исемендәге фонд.  Бәйгелә  телевидение, радио эфирында сыҡҡан, Интернетта,  ваҡытлы матбуғатта донъя күргән ижади эштәр 2018 йылдың 1 ғинуарынан ҡабул ителә башлаясаҡ. Ҡурай таждарына ярашлы-7  номинациялар билдәләнгән.

Конкурс еңеүселәренә 100, 70, 50 мең һум күләмендә бүләктәр биреләсәк.  

«Уфимские ведомости» гәзите һәм «Өфө»  журналы баш мөхәррире Галина Ишмөхәмәтова әйтеүенсә: «Конкурстың ете номинацияһы ла Мостай Кәримдең әҫәрҙәренән цитаталар менән исемләнгән. Улар әҙәбиәт, сәнғәт, иҡтисад, сәнғәт һәм башҡа өлкәләргә арнала. Бәйге асыҡ,  беҙҙә Халыҡ-ара кимәлдәге саралар йыш үткәрелә.  Конкурс журналистарға төрлө йүнәлештә  ижад итеү һәм үҙен танытыу мөмкинлеге бирәсәк».