Әлеге ваҡытта Амстердам ҡалаһында “Сәнғәт берләштерә. Башҡортостан – Нидерландтар – Германия” тип исемләнгән халыҡ-ара фестиваль бара.

Сара республика Рус академия драма театры һәм "Гексагон" нидерландтар ансамбле артистары ҡатнашлығында "Буран" әҙәби-музыкаль постановкаһы менән асылды. Артабан концерт Фәйзи Ғәскәров исемендәге бейеү ансамбле һәм Башҡорт дәүләт филармонияһы сәнғәт оҫталарының сығышы менән дауам итте.

Фестивалде асыу тантанаһында Рәсәйҙең Нидерландтарҙағы илсеһе Александр Шульгин ҡатнашты. Үҙенең сығышында ул "Башҡортостан – Нидерландтар - 2018" фестиваленең һәм башҡорт яугирҙары хөрмәтенә һәйкәл ҡуйыуҙың мөһимлеген билдәләп үтте.