Фәйзи Ғәскәров исемендәге дәүләт академия халыҡ бейеүҙәре ансамбле баш ҡалала «Рәсәйҙең иң сағыу художество коллективы» абонементы булараҡ сығыш яһаны. 

Мәскәүҙең Чайковский исемендәге концерт залы был ижади коллективтың яратҡан сәхнәһе. Уңайлы акустика, зауыҡлы сәхнә. Әйткәндәй, ансамбль Чайковский залында тәүге тапҡыр ғына сығыш яһамай. 

Мәскәүҙән һуң Башҡортостан бейеүселәре Төркиә, Европа һәм Латин Америкаһы илдәрендә сығыш яһаясаҡ. Ижади сәфәрҙең һәр береһенә яңы хореография композициялары әҙерләнгән. Быйыл ансамбль бейеү һөйөүселәргә алты премьера тәҡдим итмәксе. 

Бейеү коллективы өсөн интернационализм популяр лозунг түгел, ә ансамблгә нигеҙ һалыусының ҡомартҡы итеп ҡалдырған изге васыяты. Был хәҡиҡәтте Мәскәүҙә үткән концерт тағы бер иҫбатланы.

Сығанаҡ: Башҡортостан юлдаш телевидениеһы