25 февраль Ә.-З. Вәлиди исемендәге Милли китапханала «Амантай» ижади үҙәге менән берлектә шағир, йәмғиәт эшмәкәре Ғабдулла Амантайҙың тыуына 105 йыл айҡанлы хәтер кисәһе уҙасаҡ.
Ғабдулла Амантай – башҡорт теленә, уның һүҙлектәрен төҙөүгә, фольклор һәм әҙәби тел проблемаларын өйрәнеүгә тос өлөш индергән шәхес. Үҙ ғүмерендә 9 китап сығарып өлгөрә. 1937 йылда милләтселектә ғәйепләнеп ҡулға алына, 1938 йылда атыла. Яҙыусының исеме 90-сы й. аҙағында ғына аҡлана.
Кисә милләт, тел үҫеше өсөн янып, ә һуңынан нахаҡҡа ғәйепләнгән шәхестәребеҙҙе онотмау, улар исемен йәш быуынға еткереү кеүек маҡсаттар ҡуя. «Башҡортостандың мәҙәни донъяһы» порталы