Ҡурған өлкәһендә Ҡарға бутҡаһы тип аталған яҙ байрамы үтә. Сараны ошо өлкәнең Ҡорлтайы үткәрә.

Башҡортостан Республикаһының Силәбе өлкәһендәге вәкиллеге хеҙмәткәре Михаил Хәбиров әйтеүенсә, байрамда Ҡурған өлкәһенең үҙешмәкәр коллективтары ҡатнаша. Шулай уҡ Башҡортостандан да ҡунаҡтар килеүе көтөлә.

Ҡарға бутҡаһы башҡорттарҙың яратҡан байрамы, ул һәр яҙ һайын тәбиғәткә сығып үткәрелә. Был байрамда ҡатнашыусылар төрлө күңелле уйындар үткәрә, йыр-моң да ситтә ҡалмай. Йыл уңышҡа бай булһын өсөн, Ҡарға туйҙа бай өҫтәл әҙерләйҙәр.