7 декабрҙә "Нефтсе" мәҙәниәт һарайында йыл да үткәрелеп килгән "Ҡурай" дуҫтарын йыя" шоу-программаһы үтә. Быйыл концерт программаһы башҡорт эстрада йырсылары, йәш таланттарыбыҙ менән бергә, Ҡаҙағстандан "Ҡурай" каналы аша халыҡ һөйөүен яулап өлгөргән Нурбол Балапанов, Яҡутстандан Юлияна Кривошапкина, Ҡырғыҙстандан Динара Акулова һәм Төркиә, Әзербайжан йырсылары сығыш яһаясаҡ. 7 декабрҙә "Нефтсе" мәҙәниәт һарайында бөтә быуын кешеләре өсөн матур концерт үтәсәк, ә 8 декабрҙә "Наза" дискотекаһын "Правда-холл"да уҙғарыу ҡаралған. Шоу-программаның сценарий авторы Зөһрә Бураҡаева, сәхнәгә ҡуйыусы режиссер "Һылыуҡай" студияһы етәксеһе Линара Таһирова. Сара башҡорт эстрадаһының йәш йырсыларын, танылыу яулап өлгөрмәгән таланттарҙы ҙур сәхнәгә сығарыу, уларҙы яратып тыңлаған публика менән яҡынданыраҡ таныштырыу маҡсатында ойошторола.