Ҡурсаҡтар − беҙҙең бала сағыбыҙҙың сағыу иҫтәлеге. Улар бәхетле мәлгә, әкиәт иленә әйҙәгән һымаҡ. 

5 сенябрҙә, 18.00 сәғәттә Өфөнөң Комсомол (138) урамында урынлашҡан Үҙәк ҡала китапханаһында «Ҡусҡар» текстиль сәнғәте студияһы шөғөлләнеүселәренең «Ҡурсаҡтар нимә хаҡында һөйләй» тип исемләнгән күргәҙмәһе асыла. 

Оҫта ҡуллыларҙың «Ҡусҡар» текстиль сәнғәте студияһы бер йылдан ашыу эшләй. Сәнғәт студияһында әлеге көндә ун ике ҡатын-ҡыҙҙан торған коллектив, милли орнаменттар, тамғалар ҡулланып, кейеҙҙән һәм ябай тауарҙан ҡурсаҡтар, уйынсыҡтар ижад итә, декоратив ҡорамалар ҡорай. «Ҡусҡар» студияһы етәксеһе Стелла Маркова әйтеүенсә, улар быға тиклем Бөтә Рәсәй фестивалдәрендә ҡатнашып, бихисап диплом һәм маҡтау ҡағыҙҙары яулап өлгөргән.