Балалар яҙыусыһы, Шәйехзада Бабич исемендәге республика дәүләт йәштәр премияһы лауреаты Зөһрә Кускилдина "Ҡуян баҙарҙа нисек буре һатҡан" китабына кесе һәм урта мәктәп йәшендәге балалар өсөн хикәйә һәм әкиәттәре индерелде. Автор бала белергә һәм аңларға тейешле хәл-күренештәрҙе художество саралары менән еткереү оҫталығына эйә. Әҙибә кешеләр һәм беҙҙе уратып алған донъя хаҡында, кескәйҙәр һәм ололар араһындағы мөнәсәбәттәр тураһында мауыҡтырғыс мажаралар уйлап сығара. Әҫәрҙәрҙең теле бай һәм шиғриәтле. Башҡорт һәм рус телендә. Рус теленә тәржемәсеһе Николай Андреев.