1 апрель Халыҡ-ара көлкө көнөндә Х.Әхмәтов исемендәге Башҡорт дәүләт филармонияһының ҙур залында «Ҡыҙыҡ һәм мәҙәк» эстрада-юмористик төркөм сығыш яһаясаҡ. Программала ҡыҙыҡлы интермедиялар, скетчтар, спектакль күренештәренә пародиялар.

«Ҡыҙыҡ һәм мәҙәк» республикала 20 йыл дауамында тамашасыға һүнмәҫ дәрт, яҡшы кәйеф бүләк иткән берҙән-бер төркөм. БР-ҙың халыҡ артисы, филология фәндәре кандидаты Вәлит Илембәтов төркөмдөң алыштырғыһыҙ етәксеһе. Ул комик ролдәрҙе уйнап ҡына ҡалмай, төрлө пародиялар, скетчтар авторы. Шулай уҡ «Ҡыҙыҡ һәм мәҙәк» составында артистар Хәмит Теләмов, Зөлфиә Әхмәтова, Фаяз Йәнтүрин, Ғәлиә Моратова, Искәндәр Ғәзизов. 

Төркөм репертуары үҙгәрешһеҙ тормай, яңырып, ҡыҙыҡлы номерҙар менән байытылып бара. Көлкө байрамына рәхим итегеҙ!

Автор: Виринея Лихачева