Быйылғы йылда «Ҡызыл таң» республика гәзите күркәм юбилейын – 95 йәшен билдәләй. 23 февраль редакция коллективы үҙҙәренең ветерандары менән юбилей кисәһен үткәрҙеләр ҙә инде. Ә 23 март «Нефтселәр» мәҙәниәт һарайында редакция тарафынан ойошторолған байрам концерты уҙасаҡ. Унда Фидан Ғафаров, Нурия Ирсаева, Нәзифә Ҡадырова, Иҙрис Ғәзиев, Хәния Фәрхи, Айҙар Ғәлимов, Рөстәм Асаев, Дамира Сәйетова, Иҙрис һәм Гүзәл Кәлимуллина, «Мираҫ» ансамбле ҡатнашасаҡ. Концертта гәзит журналистарының, авторҙарының шиғырҙарына яҙылған йырҙар яңғыраясаҡ. Ойоштороусылар матур яҙ байрамы вәғәҙәләйҙәр.

Сығанаҡ: Башинформ мәғлүмәт агенствоһы