Ошо көндәргә республиканың төп китапханаһында «ШОС һәм БРИКС илдәре яҙыусыларының әҫәрҙәре башҡорт һәм татар телдәрендә» тип аталған күргәҙмә асылды. Уны башҡорт әҙәбиәте һәм тыуған яҡты өйрәнеү бүлеге ойоштора.

6 бүлектән торған күргәҙмәлә Ҡаҙағстан, Ҡытай, Ҡырғыҙстан, Таджикистан, Һиндостан, Үзбәкестан илдәренең билдәле шағирҙары һәм яҙыусыларының 50 яҡын китабы урынлашҡан. Мәҫәлән, ҡырғыҙ бүлеге бар донъяға билдәле Сыңғыҙ Айтматовтың әҫәрҙәренән торһа, үзбәк әҙәбиәте бүлегендә билдәле шағирә Зөлфиәнең ижадын менән танышырға була.

Китапхана бар әҙәбиәт һөйөүселәрҙе көтөп ҡала. Күргәҙмәгә инеү бушлай.