14 июнь Башҡорт дәүләт опера һәм балет театрында СССР-ҙың халыҡ артисы Владимир Спиваков етәкселегендә «Мәскәү виртуоздары» Дәүләт камерный оркестрының ҙур концерты үтә. 15 июнь тамаша Салауат ҡалаһының «Нефтехимик» мәҙәниәт һарайында үтәсәк. Яҡташыбыҙ ҡатнашлығында көтөп алынған концерт БР Президенты, В.Спиваковтың Башҡортостандағы Халыҡ-ара мәрхәмәтлек фонды, «Мәрхәмәт» мәрхәмәтлек фонды, БР Сауҙа-сәнәғәт палатаһы ярҙамында үткәрелә. Концертта Башҡортостан йондоҙҙары Тимофей Владимиров, Искәндәр Ханнанов, Диана Нурмөхәмәтова ҡатнашасаҡ. Барлыҡ йыйылған аҡса ауыр сиргә дусар булған балаларға ярҙамға йүнәлтеләсәк.