Баш ҡала үҙәгендә, Башҡортостан Республикаһының Милли музейында тропик баҡса мөйөшө барлыҡҡа килде. Үҙенсәлекле күргәҙмә хужалары - күбәләктәр. Күбәләктәрҙең ниндәйе генә юҡ бында: һирәк осрай торғандары, сағыу төҫлөләре, «Ҡыҙыл китап»ҡа индерелгәндәре.
Көньяҡ Америка, Африка, Азия илдәренән килтерелгән 20-нән ашыу төр, экзотик күбәләктәр Өфө тамашасылары алдында тәүге тапҡыр түгел. Улар ябай һәм ышаныусан, үҙҙәрен иркен тота. Һоҡланыуға артыҡ иғтибар итмәйҙәр. Балалар менән күбәләктәр араһында оҡшашлыҡ күп, - ти күргәҙмәне ойоштороусылар. Шуға күрә йәш тамашасылар менән күбәләктәр уртаҡ телде тиҙ таба.
Күбәләктәр татлы һыу һәм емеш-еләк нектары менән туҡлана. Күргәҙмәлә тиҫтәләгән төр менән танышырға мөмкин.