Өфө ҡала округы советы эргәһендәге Йәштәр йәмғиәт палатаһының Өфөлә Йондоҙҙар аллеяһын булдырыу идеяһын Өфө ҡала хакимиәте башлығы Ирек Ялалов хупланы. Йәштәр башлыҡҡа уның проектында күрһәтте.

Ирек Ишмөхәмәт улы әйтеүенсә, Советтар союзы ваҡытында һәр бер эре ойошманың үҙенең почет таҡтаһы булыуы бик матур күренеш ине. Унда ысын мәғәнәһендә үҙ эшенең оҫтаһы булған эшсәндәрҙең фотоһүрәттәре эленә ине. Ҡыҙғанысҡа ҡаршы был йола юғалды. Шуға ла Йондоҙҙар аллеяһын булдырыу бик ҡыҙыҡлы идея, был проектты тормошҡа ашырыуҙа ҡала халҡының фекере лә иҫәпкә алынасаҡ, тине Ирек Ялалов. Аллеяла Өфө үҫешенә тос өлөш индергән шәхестәрҙең исеме урын аласаҡ һәм ул, һис шикһеҙ, ҡаланың иҫтәлекле урынына әүереләсәк.