Рәсәйҙә һәм Башҡортостанда иғлан ителгән «Әҙәбиәт йылы”нда баш ҡалабыҙҙа китап уҡыусыларға һәйкәл асыласаҡ. Эскәмйәлә яратҡан китабын уҡып ултырған ҡыҙ һыны 325 мең һумға барып баҫа. Һәйкәлде Өфөнөң Шәһит Хоҙайбирҙин исемендәге үҙәк балалар китапханаһы алдында - Киров һәм Минһажев урамдары киҫелешендә урынлаштырасаҡтар. Скульптураны Урам һепереүсе, Велосипедсы, Һыуһар йорто композициялары авторы Хәлит Ғәлиуллин әҙерләй. Проектты йәмәғәтселектән аҡса йыйып ғәмәлгә ашырыу күҙаллана.