Бөгөн Өфөлә Н. Латфуллин исемендәге заманса сәнғәт музейында Мәскәү ҡалаһында йәшәүсе Валерия һәм Виктория Ерзаларҙың «Мәңгелек сағылыу» («Бесконечность отражения») фото һәм поэзия күргәҙмәһе асыла.

Апалы-һеңлеле Валерия менән Викторияның был беренсе шәхси күргәҙмәһе. Валерияның быға тиклем йәш фотографтар төркөмөндә уҙғарылған күргәҙмәләрҙә ҡатнашҡаны булһа ла, шәхси күргәҙмә уның өсөн беренсе тапҡыр үтә. Уның «Сны-2012» фотокүргәҙмәһе иң уңышлыларҙың береһе. Өфөлеләр Валерияның өс бүлектән торған күргәҙмәһе менән таныша ала, ә Виктория Ерза – фотоһүрәттәргә шиғыр формаһында аңлатмалар ҙа яҙа. Күргәҙмәлә Өфө рәссамдәренең фотоһүрәттәре лә урын алған, заманса бейеүселәрҙең сығышы ла ҡаралған. Күргәҙмә асыуы тантанаһында шулай уҡ Н. Латфуллин исемендәге заманса сәнғәт музейының «Башҡортостан сәнғәтен һәр бер өйгә» тип аталған яңы проекты менән дә танышып була.