Өфөлә Мөхәммәт пәйғәмбәрҙең тыуған көнөнә арналған концерт үтәсәк
4 февралдә Өфөнөң «Нефтсе» мәҙәниәт һарайында Мөхәммәт пәйғәмбәрҙең тыуған көнөнә арналған «Мәүлит ән-Нәби» концерты үтәсәк. Уның инициаторы булып йыл һайын Өфө ҡалаһының «Ихлас» мәсете сығыш яһай. Ойоштороусылары – БР Президенты ҡарамағындағы дәүләт конфессия-ара мөнәсәбәттәр буйынса совет, Башҡортостан Республикаһы мосолмандары Диниә назараты һәм Рәсәй мосолмандары Үҙәк диниә назараты.
«Ихлас» мәсетенең имам-хатибы Мөхәммәт Ғәлләмовтың хәбәр итеүенсә, концертта «Райян» дуэты (Ҡазан) һәм «Илаһиләр» төркөмө (Өфө) ҡатнашасаҡ. Ике коллектив та дини йөкмәткеле йырҙар башҡарыуы менән билдәле. Бынан тыш, тантанаға Башҡортостандың дәүләт власы органдары вәкилдәре, дини эшмәкәрҙәр, мәҙәниәт хеҙмәткәрҙәре һәм теләге булғандарҙың барыһы ла саҡырылған.
Башлана – 18 сәғәттә.
Автор: Тимур Рәхмәтуллин