30 сентябрҙә ғалим-этнограф, тарих фәндәре докторы, профессор, РФА ағза-корреспонденты Рәил Кузеевтың ғилми хеҙмәттәре тупланмаһының ете томының беренсеһе донъя күрҙе. Был ваҡиғаны “IV Кузеев уҡыуҙары. Этнос. Йәмғиәт. Цивлизация”. тип аталған ғилми-практик конференция дауам итте. Уны асыуҙа Республика башлығы Р.З. Хәмитов ҡатнашты. 2015 йылдың аҙағына тиклем ғалимдың хеҙмәттәренең тағы ла ике тупланмаһын томын баҫтырып сығарыу планлаштырыла. Артабан, уның электрон версияһын да булдырыу күҙ аллана. Эш 2016 йылда тамамланасаҡ. Материалдарҙы туплау, структураһын булдырыу һәм томдарҙы әҙерләүҙе РФА Өфө ғилми үҙәгенең этнологик эҙләнеүҙәр институты хеҙмәткәрҙәре эшләгән. Нәшер итеүгә тиклемге баҫманы һәм тиражлауҙы БР З.Биишева исемендәге “Китап” нәшриәте тормошҡа ашырған.