Көҙгә Өфөлә Рудольф Нуриев исемендәге урам барлыҡҡа киләсәк. Ошо турала баш ҡала хакимиәте башлығы Ирек Ялалов белдерә. Балет оҫтаһы исеме менән Глумилино микрорайонының бер урамы аталасаҡ. Проект буйынса, ул Менделеев һәм Рәсәй урамдары араһында буласаҡ. Был урында бер нисә йорт та төҙөләсәк, шулай уҡ ҡала властары 5 мең кешегә тәғәйенләнгән аквапарк һәм спорт аренаһы булған Сауҙа комплексы сафҡа индереләсәк, тип вәғәҙәләй.