Августың һуңғы ике ялында Өфөнөң Ленин урамы сәскәле Арбатҡа әйләнәсәк. 25-26 августа Республикала иғлан ителгән «Имен баласаҡ һәм ғаилә ҡиммәттәрен нығытыу йылы»на арнап, ошо исем аҫтында байрам сараһы үтәсәк. Баш ҡала хакимиәтенән хәбәр итеүҙәренсә, сара ваҡытында урамдың «Ағиҙел» ҡунаҡханаһынан «Родина» кинотеатрына тиклемге өлөшө тулыһынса йәйәүлегә әүереләсәк, бында сауҙа нөктәләре, сәскә күргәҙмәләре эшләйәсәк. Унда башҡала райондары хакимиәттәре, предприятиелар, ойошмалар һәм учреждениелар вәкилдәре, эшҡыуарҙар ҡатнаша. Республиканың башҡалаһында тәүге тапҡыр дөйөм ҡала сәскәләр көнө ойоштороласаҡ һәм әлбиттә, байрамдың төп биҙәге сәскәләр һәм сағыу сәскәле композициялар буласаҡ.

«Башҡортостандың мәҙәни донъяһы» порталы