Үткән аҙнаның кесаҙнаһында Өфөлеләр театр миниатюралары мастерскойының яңы проекты менән таныша алдылар. Был проект Башҡортостандың баш ҡалаһына алыҫ Европанан килеп эләккән. Яңы асылған проекттың ҡыҙыҡлығы, ойоштороусылар әйтеүе буйынса, ҡатнашыусыларҙың сәхнәгә сығып, үҙҙәренең тормошонда булған ҡыйын ваҡиғалар, ҡыҙыҡлы мажаралар тураһында тамашасылар менән бүлешеү маҡсатында тора.
Проект яҙыусы Артем Русановичтың үҙенең тормош мажаралары тураһында һөйләүе менән башланып китте. Уның һөйләүе тамашасыла ысын ҡыҙыҡһыныу тыуҙырҙы. Ул үҙенең күп йылдар мәҙәни юлын таба алмау тураһында, ошо осорҙан төрлө һөнәрҙәр араһында үҙен табырға маташҡаны тураһында һөйләне.
24 ғинуарҙа проект сиктәрендә үҙенең тормош юлдары тураһында, танылған әҙәбиәтсе Айҙар Хөсәенов һөйләйәсәк. Был проектта бөтә теләгән кеше ҡатнаша ала, бының өсөн тик үҙеңдең тормош юлың тураһында һөйләй белеү генә кәрәк.
Осрашыуҙар һәр аҙнаның кесаҙна көнөндә үтәсәк (адрес: УГАТУ, 3-сө корпус, тантаналар залы). «Башҡортостандың мәҙәни донъяһы» порталы