Өфөнөң «Нефтсе» мәҙәниәт һарайында «Туған тел» - «Бөтә донъя тирмәһе» Икенсе Халыҡ-ара башҡорт һәм татар йыры музыкаль фестивале үтте.

Тамашала ике тиҫтәнән ашыу йырсы сығыш яһаны. 2009 йылдан алып уҙғарылған фестиваль матур традицияға әйләнгән. Быйылғыһында алтмыш йырсы һынау тотто. Талапсан жюри ағзалары улар араһынан егерме бер ҡатнашыусыға финалда сығыш яһау мөмкинлеге бирҙе. Фестивалгә сит өлкә йырсылары ла саҡырылғайны. Сит тарафта ла үҙ телендә ижад итеүсе артистар тамашасы күңелендә һоҡланыу уятты.