Өфөлә эшләп йөрөүсе йәштәр араһында «Яҙ гүзәле–2013» конкурсы үтте. Февралдә үткән һайлап алыу турында Өфөнөң төрлө предприятиеларында эшләүсе 18 йәштән 30 йәшкәсә ҡатын-ҡыҙҙарҙан 70 яҡын ғариза ҡабул ителгән. Төп критерий булып тышҡы матурлыҡ ҡына түгел, ә ижади яҡтан һәләтле, белемле, сәхнәлә үҙеңде тота белеү кеүек сифаттар торған. Финалға 11 гүзәл зат һайлап алына: Рәсилә Сибәғәтуллина – «Газпром» ойошмаһының мәғлүмәт хеҙмәткәре, Вәсилә Ғайсина – БДПУ-ның корпоратив телевидение белгесе, Дарья Крючкова – «Гидравлика», Ләйсән Әмәкәсова – 44-се һанлы поликлиниканың акушер-гинекологы, Юлиә Алтынбаева – 248-се һанлы балалар баҡсаһы тәрбиәсеһе, Мария Лесковская – «Сәләм» үҫмерҙәр үҙәгенең эстрада бейеүҙәре студияһы етәксеһе, Эльвира Бәкирова – «Йондоҙлоҡ» балалар ижады үҙәге аккомпаниаторы, Светлана Екимова – «Башкортостанстат» белгесе, Эльмира Сәхипгәрәева – «Башҡортостан» телерадиокомпанияһы инженеры, Дарья Солодянкина – «Өфөгаз» етәксеһе ярҙамсыһы, Лилиә Мөҙәрисова – «Өфөоргсинтез» фәнни-ғилми үҙәктең инженеры.

Ҡыҙҙар визитка, дефиле, «Алтын ҡулдар», өйгә эш конкурстарында үҙҙәрен һынанылар. 

Урындар түбәндәгесә билдәләнде:

Иң төп бүләк «Яҙ гүзәле–2013» – Лилиә Мөҙәрисова.

1 урын – Вәсилә Ғайсина.

2 урын – Мария Лесковская.

Интернет ярҙамында уҙғарылған «Тамашасы һөйөүе» номинацияһында Дарья Крючкова еңеп сыҡты.

Автор: Эльвера Хәйбуллина