Бөгөн Өфөнөң Орджоникидзе районында, Химиктар мәҙәниәт һарайында, Халыҡтар берҙәмлеге көнөнә арналған «Дуҫлыҡ йәйғоро» байрамы үтәсәк.

Бында райондың Мәҙәниәт йорто, Мәҙәниәт һәм халыҡ ижады үҙәге коллективтары, Өфө сәнғәт училищеһы студенттары, музыка мәктәптәре һәм «Диалог» үҫмерҙәр клубтары берләшмәһе уҡыусылары сығыш яһаясаҡ, тип хәбәр иттеләр район хакимиәтенән.

Фойела фотоһүрәттәр күргәҙмәһе һәм байрам йәрминкәһе ойоштороласаҡ.

Башлана – 15 сәғәттә.

Автор: Любовь Колоколова

«Башинформ»