Өфөнөң рус драма театры сәхнәһендә Г.Х. Андерсендың «Ҡарбикә» әкиәте буйынса ҡуйылған Ким Брейтбургтың балалар мюзиклының премьераһы үтте.
Бөгөнгө көнгә тиклем театр репертуарында мюзикл жанрында бер генә «Зәңгәр камея» тигән спектакле бар ине.
Башҡортостан ерендә «Ҡарбикә» премьераһын Украинанан саҡырылған режиссер Владимир Косов ҡуйҙы. Был яңы проектта 30 ашыу артист ҡатнаша, премьера өҫтөндә эш ике айға яҡын барҙы. Актерҙар әйтеүе буйынса, спектаклде ҡуйыуҙа иң ҡыйыны уның музыкаль киҫәктәре булды.
Был бөтәбеҙгә лә бәләкәйҙән таныш булған әкиәт тә, Герда исемле ҡыҙ, «Ҡарбикә» көсөнән дә ҡурҡмай, үҙенең ҡустыһы Кайҙы эҙләргә тип сәйәхәткә сығып китә. Тик был яңы ҡуйған спектаклдә Кай менән Герданың Өләсәһе, Ганс исемле бесәй ролдәре өҫтәлгән. Спектаклде ҡуйыусылар әйтеүе буйынса, был мажаралы спектакль, кешеләрҙең йөрәгендәге «боҙҙо» иретергә ярҙам итер тип ышана. «Башҡортостандың мәҙәни донъяһы» порталы