Быйыл 1812 йылдағы Ватан һуғышында Еңеүҙең 200 йыллығын билдәләйбеҙ. Ошо турала ил башлығының указы бар. Наполеон ғәскәрҙәрен ҡыйратыуға башҡорттар ҙа ҙур өлөш индерә - Ватан һуғышында 28 башҡорт полкы ҡатнаша. Был аҙнала Өфөлә, Республика Хәрби дан музейында ошо еңеүгә арналған махсус күргәҙмә асыласаҡ. Ойоштороусылар әйтеүенсә, экспозициялар араһында 19 быуат рәссамдарының башҡорт яугирҙарын һынландырған картиналары, тарихи костюмдар, башҡорт яугирҙарының ҡоралдары һәм башҡалар бар.

 «Юлдаш» радиоһы сайтынан