Башҡорттар тарихында юйылмаҫ ҡанлы эҙ ҡалдырған оло әһәмиәтле ваҡиғаға, 1812 йылғы Ватан һуғышында француздарҙы еңеүгә быйыл 200 йыл.

Әхмәтзәки Вәлиди исемендәге Милли китапханала 19 апрелдә, ошо ваҡиғаға арналған күргәҙмә асылды. Күргәҙмәнең ойошторусылары Милли китапхана, «Альфа-банк», һәм «Комсомольская правда» гәзите. 

Эксозицияла 1812 йылғы Ватан һуғышына арналған барлыҡ китап байлығы сағылдырылған. 

Күргәҙмәлә сағылыш тапҡан уҙған быуаттар героик осорон яҡтыртҡан 70-ләп китаптар, фото документтар, ул йылдарҙағы документтар күсермәһе китапхана фондынан, РФ Сит илдәр эштәре министрлығынан алынған. Улар араһында, француздарға ҡаршы көрәш мәлен тәфсирләп яҙған тарихсыларыбыҙҙың документаль хеҙмәттәренән алып, әҙиптәрҙең сәхнә әҫәрҙәре, романдары, барлыҡ Европаны дер һелкеткән шанлы ваҡиға хаҡында йырҙар, бәйеттәр тупланған йыйынтыҡтар  урын алған. 

Күргәҙмә китапханала 16 майға тиклем эшләй, артабан экспозиция Республика Хәрби дан музейында урын аласаҡ.