БР-ҙың Мәҙәниәт министрлығы, «Дуҫлыҡ» республика мәҙәни-методик үҙәк һәм Мәләүез районы администрацияһының мәҙәниәт бүлеге БР-ҙың атҡаҙанған мәҙәниәт хеҙмәткәре Фаиль Абдраков иҫтәлегенә үҙешмәкәр композиторҙарҙың төбәк-ара конкурсын үткәрә. Конкурстың төп маҡсаты – үҙешмәкәр композиторҙарҙы табыу һәм уларҙың ижадын үҫтереүгә ярҙам итеү. Ейәнсура, Ишембай, Йылайыр, Күгәрсен, Көйөргәҙе, Мәләүез, Стәрлебаш, Стәрлетамаҡ райондарынан һәм Күмертау, Мәләүез, Салауат ҡалаларынан ҡатнашыусылар көтөлә. Конкурс талаптарына ярашлы, ҡатнашыусы төрлө характерҙағы 2 әҫәр тәҡдим итергә һәм уны төп нөсхәһендә йә үҙе, йә икенсе кеше башҡарырға тейеш. Еңеүселәр ике номинацияла билдәләнәсәк: инструменталь жанр һәм вокал жанры (ансамбль, йырсы, хор өсөн яҙылған әҫәрҙәр). Конкурс түбәндәге йәш категориялары буйынса үтә:
• 14 йәшкә тиклем;
• 14 йәштән алып 25 йәшкә тиклем;
• 25 йәштән алып һәм унан ҙурыраҡ;
Конкурс 2013 йылдың 20 февралендә Мәләүез ҡала мәҙәниәт һарайында үтә. 11.00 сәғәттә башлана. БР Мәҙәниәт министрлығының мәғлүмәт хеҙмәте