Рәсәйҙә башҡорттар күпләп йәшәгән төбәктәрҙең береһе – Силәбе өлкәһе. Урындағы «Башҡорт ҡоролтайы» йәмәғәт ойошмаһы рәйесе Морис Йосопов өлкәлә Башҡортостан мәҙәниәте көндәрен үткәреү тәҡдиме менән сығыш яһаны.
Республикабыҙ Президенты Рөстәм Хәмитов был фекерҙе хуплап ҡаршы алды һәм Бөтә Рәсәй Ауыл һабантуйында Силәбе өлкәһе губернаторы Михаил Юревич менән тап ошо хаҡта әңгәмәләште. Һөйләшеүҙә шулай уҡ күрше өлкәлә башҡорт мәктәптәренең һәм башҡорт теле дәрестәренең кәмеүе хаҡында ла һүҙ барҙы.
Башҡортостан – Силәбе өлкәһе араһындағы бәйләнештәрҙе нығытыу маҡсатында 2013 йылда Силәбе өлкәһендә Башҡортостан мәҙәниәте көндәре уҙғарыласаҡ. Сығанаҡ: «Ашҡаҙар»